“Zbulohen letrat nga Nioni: 13 ndeshje të manipuluara në dy sezonet e fundit Të përfshira, të gjitha ekipet shqiptare

Futbolli shqiptar ka marrë dje një tron ditje të përmasave apokaliptike, pas zbulimit nga Top Channel të korrespondencës mes UEFA- s dhe Federatës Shqiptare të Futbollit për trukime masive të ndeshjeve në Shqipëri. Institucioni qendror i futbollit europian, nëpërmjet Sistemit të Dedektimit dhe Zbulimit të Mashtrimeve në Baste ka arritur të vërtetojë se të paktën 13 ndeshje, 12 të sezonit të shkuar dhe 1 e këtij aktual, kanë qenë të manipuluara. UEFA, në letrën e saj, shkruan qartë dhe pa ekuivoke se kjo apo ajo ndeshje, është 100 për qind e fiksuar, duke e nxjerrë FSHF- në bllof në gjithçka ka bërë deri tani. Nuk mund të shkonte më keq, nuk mund të kishte një goditje të rëndë për futbollin në Shqipëri, sesa faktet e ardhura nga Nioni. Për fat të keq, Federata nuk e ka vënë " ujin në zjarr" për asnjë prej sinjaleve të dërguara nga UEFA, duke mbrojtur me një fanatizëm të çuditshëm idenë se në Shqipëri luhej futboll i pastër. Dokumentat konfidenciale mes UEFA- s dhe Federatës Shqiptare të Futbollit vërtetojnë atë çfarë është thënë rregullisht në shtyp, për fiksime të rezultateve, por që zyrtarët e FSHF- së kanë nxituar të thonë të kundërtën edhe pse minimalisht duhet të nisnin një hetim. Mjafton të përmendësh që një javë e tërë e sezonit të shkuar, java e 29- të, e luajtur më 20 prill, ka qenë e gjitha e manipuluar, përveç ndeshjes Vllaznia- Tirana. Në korrespondencës mes UEFA- s dhe Federatës Shqiptare të Futbollit, tregohet qartë dhe hapur sesi trukohen ndeshjet në Shqipëri. Sistemi i Zbulimit të Mashtrimeve në Baste monitoron lëvizjet e çuditshme të shumave të parave për një ndeshje të caktuar, gjë që krijon dyshimet e para. Më pas rishikohen faktet e dyshimta dhe në fund hartohet një raport, që u dërgohet Federatave. FSHF e ka marrë atë që sezonin e shkuar, por nuk e pa të udhës të nisë ndonjë hetim. Mjafton të shohësh analizën e bërë për ndeshjen e 2 tetorit të këtij viti, mes Kastriotit dhe Vllaznisë. Krutanët fituan 2- 1, ndërsa UEFA përmend sjelljet e çuditshme në baste dhe më pas, edhe të aktorëve në fushë. " Është e habitshme, sesi bastexhinjtë të kenë kaq siguri për fitoren e Kastriotit, një skuadër më modeste, me më pak traditë dhe me buxhet më të vogël se Vllaznia", shkruan UEFA në letrën e saj. Ajo nuk harron pa përmendur as arbitrat e kësaj ndeshjeje, Albano Janku, Redi Abdo dhe Arben Pregja, por edhe futbollistë si Caca, Grami e Turdiu. Ky i fundit madje doli me karton të kuq në atë sfidë. Po ashtu, përmenden me detaje se shumë ndeshje janë fiksuar me rezultat të saktë, si SkënderbeuLaçi ( 2- 0), Laçi- Elbasani ( 3- 1) apo Besa- Kastrioti ( 3- 2).

Gazeta shqiptare/shqiplive

• < Prev
• Next >