Shtëpia Botuese " Poeteka& Ideart" kanë sjellë në shqip romanin e Alek Popov " Misioni Londër" me përkthim të Milena Selimit. Kur gruaja e pushtetshme e presidentit bullgar Devorina Seljanska vendos të japë një banket elitar në Londër, ambasadori bullgar, Varadin Dimitrov, i sapoemëruar në detyrë, falë mbështetjes së saj politike, merr një urdhër të vetëm: Të garantojë pjesëmarrjen e mbretëreshës së Anglisë, Elisabeta II në pritjen e misionit diplomatik bullgar në Londër. Varadini është i rrethuar nga një larmi personazhesh si kuzhinieri Kosta Baniçarov, gra të bukura, mafiozë vrasës, dedektivë të Skotland Jard dhe jo për në fund, përsa i përket rëndësisë- nga studentja e bukur striptiste, Katja, që e shtyn në epshet e tij erotike, ndërsa punon si punonjëse e pastrimit në zyrën e tij, por në të vërtetë punon si princeshë jashtë ambasadës. Një roman që të josh me humorin e hollë dhe të vërtetat për mendjemadhësinë ballkanase, një himn qesharak për budallallëkun e qenies njerëzore. Alek Popov është një nga shkrimtarët bullgarë të letërsisë kontemporane, autor i romaneve " Misioni Londër", " Kutia e zezë" dhe i disa vëllime me tregime. Shkruan edhe skenare për filma artistikë dhe dokumentarë. Ka lindur në Sofie në vitin 1966. Ka mbaruar gjimnazin kombëtar për gjuhë dhe kultura të lashta dhe filologji bullgare në Universitetin e Sofies. Për momentin ai është drejtor në Shtëpinë e Librit për Fëmijë dhe kryeredaktor i revistës " Fjala Kombëtare". Sekretar për marrëdhëniet me publikun e PEN- it bullgar.

Gazeta shqiptare/shqiplive

• < Prev
• Next >