Hyrja Shqiplive

Filipaj, pastruesi shqiptar diplomohet në Columbia University

2012-05-14T02:14:26+02:00

Kur njëzet vjet më parë Gac Filipaj shkoi nga Mali i Zi në Shtetet e Bashkuara, nuk dinte as të fliste anglisht. Në moshën 52-vjeçare u diplomua në universitetin e famshëm Kolumbia të Nju Jorkut, ku punon si pastrues: ndiqte leksionet në mëngjes dhe punonte 8 orë natën Historia e një shqiptari po bën bujë këtu në Shtetet e Bashkuara. Ai është Gac Filipaj, një 52-vjeçar me origjinë nga Ulqini, pastrues në Universitetin Kolumbia të Nju Jorkut, i cili të dielën, më 13 maj, u diplomua nga universiteti. Studentët mundohen shumë për të marrë një diplomë, ndërsa Gaci e arriti këtë duke mos u shkëputur nga puna e përditshme si pastrues në universitet.

Misteri i çelësit të Alfred Mirashit, në Firence

2012-04-30T00:47:05+02:00

Firence, djepi i kulturës italiane dhe botërore, djepi që përkundi gjenitë e artit po "përkund" më së fundi edhe talentet shqiptare, të cilët prej vitesh e kanë zgjedhur këtë qytet si mëmëdhe të dytë. Këtë përkujdesje,Firence po ia ofron një prej talenteve shqiptare Alfred Mirashit apo "Milot" (emër arti, me të cilin tashmë njihet në ambientet artistike) duke pranuar e vlerësuar veprat e tij, në mënyrën më të mirë, në eventet më të rëndësishme artistike të muajve të fundit. Alfred Mirashi Milot, u prezantua me një ekspozitë personale të titulluar "Passepartout", në galerinë "La corte Arte Contemporanea" e organizuar nën kujdesin e Rosanna Tempestini Frizzi e Carolina Orlandini dhe me patronazhin e Ambasadorit të Republikës së Shqipërisë në Itali S.E Llesh Kola.

Gjeniu i google krijuesi i g.crome

2012-04-23T14:48:06+02:00

Nëse pyesni se ku jeton dhe punon njeriu që për “Google” ka krijuar programin e navigimit “Chrome”, shumë pak dinë të përgjigjen. Të tjerët që përpiqen ta gjejnë, edhe pse nuk e dinë, thonë fjalën e parë që u vjen në mendje: Silicon Valley, në Kaliforni. Në të vërtetë, “babai” i këtij browser-i nuk është një adoleshent amerikan, dhe as nuk jeton në Mountain View. Quhet Lars Bak, është 48 vjeç dhe punon për “Google” që prej gushtit të vitit 2006. Qendra e tij operative, një çerdhe teknologjike me arredim të thjeshtë, është një fermë larg nga të gjithë, në mes të fushave, rreth 11 kilometra në perëndim të Aarhus-it, qytezës universitare të Danimarkës. Shumë janë të interesuar për karrierën apo stilin e jetesës, ndoshta ngaqë “Google Chrome”, fryt i gjenialitetit të tij në programim në shumë vende të botës, prej disa kohësh është programi më i përdorur për navigim. Sipas të dhënave të publikuara nga shoqëria e pavarur “StatCounter”, “Google Chrome” në nivel botëror është i dyti vetëm pas “Internet Explorer” të “Microsoft”-it, nga i cili e ndan vetëm një përqindje shumë e vogël.

METI ‘ tërheq’ Klaudjan në Kosovë

2012-04-22T15:16:50+02:00

Të qenit model dhe të pasurit një dëshirë të madhe për foto, kanë qenë dy prej elementëve kryesorë që Klaudja të vijojë një miqësi të bukur edhe pas daljes nga shtëpia e Big Brother me Metin, edhe ky i eliminuar nga gara. Dihet që Meti është i tërhequr nga moda dhe modelingu është një prej dëshirave të tij të kahershme, ndërsa Klaudja i bashkohet kësaj dëshire dhe të dy bashkë udhëtojnë drejt Kosovës për të realizuar një set fotosh profesioniste.

Morena Taraku do të përfaqësojë Shqipërinë në "Miss World 2012"

2012-04-20T22:21:33+02:00

Miss Kosova 2010", Morena Taraku, pritet të përfaqësojë Shqipërinë në "Miss World 2012".Bukuroshja Morena Taraku, sërish do të jetë konkurrente në një eveniment bukurie, por kësaj radhe do të përfaqësojë Shqipërinë. Gjatë një prononcimi për mediat kosovare, Morena ka pohuar se ndihet shumë krenare që do të përfaqësojë Shqipërinë në këtë eveniment botëror. "Jam shumë krenare që jam e vetmja shqiptare që do të jem pjesëmarrëse në evenimentin botëror që do të mbahet me 100 vajza të shteteve të mbarë botës.

Pharmakon, luftë brezash nën hije dyshimi

2012-04-04T12:55:58+02:00

"Pharmakon" është filmi më i ri që do të shfaqet premierë në kinematë e Tiranës.Filmi me regji dhe skenar të Joni Shanajt flet për rrugëtimin e një të riu drejt rritjes e pjekurisë, dhe kërkimin e së vërtetës, në një periudhë të pështjellë e molepsur, jo vetëm në jetën personale të personazhit kryesor, por edhe të superstrukturës dhe vendit ku ai jeton. Sipas regjisorit Joni Shanajt, "autorët paraqesin dhe ilustrojnë një ndjenjë pafuqishmërie dhe dorëzimi kundrejt korrupsionit dhe fragmentarizmit të jetës sociale, me të cilën përballet në ditët e sotme, jo vetëm rinia shqiptare,por ndoshta edhe ajo europiane e botërore". Historia përqendrohet në një marrëdhënie dashurie mes një djali të ri e një vajze të re; në zemër të një sistemi patriarkal dhe cinik të dorëzuar përballë urisë për pushtet, korrupsionit dhe mashtrimeve. Ashtu si vetë nocioni pharmakon, i dyzuar në atë çfarë sjell shërim nga njëra anë, dhe helmim nga ana tjetër, kjo ambivalencë do të jetë lajtmotivi i këtij filmi tregon, - regjisori dhe skenaristi Shanaj. Megjithatë këtë, nuk duhet harruar se, ashtu si një medikament i mirë, Pharmakon do të ketë formën e duhur për të qenë i kapërdishëm nga një publik i gjerë. Helm apo shërim?

Zbulohet xhamia 300-vjeçare

2012-03-21T12:03:20+01:00

Gjatë punimeve që po kryhen pranë Xhamisë së Plumbit në Shkodër është zbuluar një xhami mbi 300-vjeçare. Nga gërmimet e deritanishme del se objekti nuk është i ruajtur tërësisht. Sipas Myftinisë së Shkodrës, dëmtimi i tij është bërë veçanërisht gjatë kohës së komunizmit,kur në qytet u kryen punimet për instalimin e ujësjellësit.Ky është një zbulim që i përket trashëgimisë kulturore të Shkodrës.Besoj se gjatë ditëve në vazhdim do të punojmë për ta nxjerr atë në pah,për ta sistemuar, për ta rrethuar dhe për ta përgatitur që të ekspozohet për kalimtarët e për vizitorët, si një pjesë të rëndësishme të historisë islame të Shkodrës”, pohoi myftiu i qytetit, Muhamed Sytari.

Ndrenika do të ketë rolin kryesor në komedinë “Doktor Shuster”

2012-02-24T23:31:18+01:00

Doktor Shuster” i autorit dhe regjisorit serb Dushan Kovacevic që po përgatitet të vihet në skenë nga regjisori Spiro Duni. “Jeta e Robert Ndrenikës është teatri dhe filmi. Më mirë se në teatër ai nuk ndihet asgjëkund. Pauzat e çdo aktori janë normale. Ne kemi fatin që ai është i gatshëm më shumë se kurrë për atë që bën më mirë nga të gjitha: aktrimin”, thekson regjisori Duni. Teksa ngjis shkallët e Teatrit Kombëtar, nën kërcitjen e zakonshme që i shoqëron këto shkallë, shoh Robert Ndrenikën, që me hapa të ngadaltë i drejtohet sallës së provave. Duhet të ishte ajo që po mendoja: po punonte për një shfaqje. Vitet e fundit kishim pritur ta shihnim në një çast të tillë. Janë thuajse katër vjet pauzë, të cilat aktori vendosi t’ia kushtojë kujdesit për bashkëshorten e sëmurë, tashmë të ndjerë. Një zgjedhje që shumë ia admiruan, ashtu siç do të admirojnë edhe kthimin.

Big albania 5 fillon 18.02.2012

2012-02-18T12:27:49+01:00

Ndërsa audicionet vazhdojnë në Shqipëri e Kosovë, banorët e parë të shtëpisë më të famshme në Shqipëri janë përzgjedhur, ata të cilët do t’ju emocionojnë, t’ju pasionojnë, do t’ju lënë pa gjumë, tashmë në një shtëpi krejt të re – surpriza e shtëpisë së ëndrrave të “Big Brother Albania 5”. Momentet më kulminante do t’i ndiqni në një studio të re gjigante, e cila do të mirëpresë javë pas jave çdo konkurrent të eliminuar. Ka mbetur vetëm një enigmë: cilët janë personazhet që mbyllen e bashkëjetojnë së bashku për gati 100 ditë në një shtëpi dhe shkëpusin kontaktet nga realiteti, ndërsa realiteti i ndjek ata nëpërmjet transmetimeve direkte.

“Kinezçen mezi e mësojnë vetë kinezët”

2012-02-17T02:30:43+01:00

Dekania e Fakultetit të Gjuhëve të Huaja, Klodeta Dibra: Do duhej një dekadë, s’kemi programe
Gjuhëtari, Jorgo Bulo: Kërkon kohë të gjatë të zotërohet

Futja e gjuhës kineze në sistemin parauniversi tar si gjuhë e dytë, aktualisht është një proces i pamundur. Deklara ta e kryeministrit Sali Berisha, që gjuha kineze të jetë gjuhë e dytë në shkollat e vendit, është konsideruar prej akademikëve si skeptike. Gjuhëtari në Akademinë e Shkencave, Jorgo Bulo, ka qenë kundër idesë së futjes së gjuhës kineze si gjuhë të dytë, dhe aq më pak që të jetë me detyrim. Sipas tij, nxënësit duhet të jenë të lirë të zgjedhin.

Arkivi i Filmit, program kushtuar 100-vjetorit të Pavarësisë

2012-01-24T23:36:04+01:00

Arkivi Qendror Shtetëror i Filmit i kushton vitit jubile të Pavarësisë shfaqjen e filmave dhe dokumentarëve,në nder të figurave të rëndësishme të kombit tonë në të gjitha trevat shqiptare. Në një prononcim për mediat, drejtoresha e këtij institucioni, Elvira Diamanti, ka njoftuar programin e AQSHF-së, që konsiston në shfaqjen e filmave dhe dokumentarëve, kushtuar figurave të rëndësishme të kombit tonë, në të gjitha trevat shqiptare. “Gjashtëmujori i parë do t’i përkasë promovimit të vlerave të kinemasë sonë artistike dhe dokumentareske,përtej kufi jve të Shqipërisë, në trojet ku ka shqiptarë”, tha Diamanti.Shfaqja e filmave do të fillojë nga Maqedonia, ku gjatë muajit shkurt do të shfaqen prodhime kinematografi ke kushtuar personaliteteve si Ismail Qemali apo Skënderbeu.